Excursion da mocidade Brión

Cea da Viaxe 2011

2011-09-19T19:41:00.000+02:00

Cea da viaxe a Guillena 2010

Como non podía ser doutro xeito non debedes faltar á tradicional cea que, coma todos os anos, faremos para reencontrarnos e pasar unha agradable velada recordando os mellores momentos da viaxe. Xa podo informar de que a CEA vai ser o SÁBADO 22 de OUTUBRO (adiantamos a data proposta inicialmente) no Hotel Balneario de Compostela, en O Tremo, ás 22:00 h.
Se queredes asistir, por favor, inscribídevos previamente, pois necesitamos comunicar ao restaurante cantos imos ser. Podemos facelo ata o día 19 de outubro enviando unha mensaxe ao correo: concellodebrion@gmail.com ou chamando ao tfno.: 981 50 99 69 (luns-venres de 16 a 22 horas)

Por suposto, e como xa é tradición, entregaremos a película da viaxe e presentaremos o proxecto para a Viaxe da Mocidade 2012. Podes vir acompañado/a e tamén se poden anotar participantes doutras Viaxes da Mocidade de Brión.
O menú...

O MENÚ:

Aperitivosal Centro de Mesa

Tosta de chicharrones con Queso

Croquetas de centollo.

Empanada Casera.

.-.

Ensalada del Mar

.-.

Xarrete Estofado al Estilo Tradiconal.

.-.

Postre

Filloa Rellena con Mousse de Queso

Y Bola de Helado.

BODEGA:

AlbariñoBlanco Valtea

MencíaRectoral de Amandi

Aguas Minerales

Café y Chupitos

PREZO:25.00€/PERSONA

Barcelona 2011, grazas por participar!!

2011-09-01T20:49:00.003+02:00

Hai pouco máis dun mes, un grupo de mozos e mozas brioneses estabamos recorrendo a Cidade Condal e coñecendo outros lugares de Cataluña. Pouco máis de trinta días pasaron, pero xa parece toda unha eternidade. A viaxe rematou, pero perdura a lembranza das visitas realizadas e dos bos momentos vividos.

Agora toca revivir a experiencia vendo as fotos da viaxe, con moita morriña e saudade daqueles días de xullo. No portal web do concello, no apartado de galerías fotográficas, podedes ver unha escolma de imaxes da viaxe (ou premendo nesta ligazón). Se queredes colaborar co álbum da excursión, podedes facelo enviando as vosas fotos, que gustosamente incluiremos nas galería web e no vídeo da viaxe.

Axiña marchamos de excursión!

2011-06-29T16:34:00.005+02:00

O martes 5 de xullo tivemos a reunión previa a viaxe da mocidade deste ano. As 21:00 horas comezamos unha xuntanza na que falamos da viaxe que iniciaremos o vindeiro 23 de xullo ás 21:00 h. dende a Carballeira de Santa Minia destino Barcelona. Nela falamos dunha chea de cousas: lugar e hora da saída, equipación, albergue, programa de visitas, etc... e claramos diversas dúbidas.

Se queres repasar toda a información, preme na ligazón para visualizar a presentación.

Non vos esquezades, o sábado 23 iniciamos a aventura. Procurade estar media hora antes para saír con puntualidade.

Vémonos!!

Barcelona e Brión, amigos para sempre.

2011-02-07T09:15:00.005+01:00

A Viaxe da Mocidade 2011 xa ten lugar de destino: Barcelona!

Lembrades o ano 1997, cando un grupo de rapaces e rapazas de Brión viaxaron a Barcelona? Os que daquela participaron creo que non se esquecerán das visitas á Montserrat, Port Aventura... e, por suposto, aos lugares máis coñecidos da Cidade Condal.

Este verán repetimos experiencia; como ven sendo habitual, a finais de xullo. Este é un adianto do proxecto Barcelona 2011:

Datas: Do 23 (saída 22 h.) ata o 29 de xullo (regreso pola mañá, chagada a Brión pola noite)

Prazas: 50

Prezo: 170€ Inclúe desprazamentos e estancia a media pensión (pernocta, almorzo e cea) no Albergue Centre Esplai.

Inscrición durante o mes de abril.
Data máxima conformación de pagamento : 14 de maio

1º reunión: 21 de marzo ás 21:30 h. no Centro Social Polivalente

Mantente atendo ao blog para estar ao día sobre as novidades da Viaxe da Mocidade!

Centre Esplai, un albergue de luxo

2011-02-07T09:15:00.000+01:00

Durante a estancia en Barcelona temos previsto aloxarnos a media pensión (pernocta, almorzo e cea) no albergue Centre Esplai.
Trátase dun edificio moderno, innovador, sostible, elocuente e integrado no seu ámbito. De nova construción, totalmente adaptado e coa máxima categoría, fica no Delta do Llobregat, a un paso dos espazos naturais e de interese ambiental máis importantes de Cataluña.
A súa situación privilexiada, ben comunicado, a 10 minutos da praia e a 20 minutos da Sagrada Familia, ademais doutros sitios, convérteno nun espazo de acollida ideal para persoas e entidades.

Se queremas saber máis do albergue, visita a súa web premendo nesta ligazón: Albergue Centre Esplai

Felices Festas viaxeir@s!!

2010-12-22T21:01:00.007+01:00

A todos os viaxeiros e viaxeiras que participastes nas Viaxes da Mocidade:

**FELICES FESTAS e un VENTUROSO 2011**

no que esperemos compartamos novas vivencias e experiencias viaxeiras

CEA INTERCAMBIO 2010: GRAZAS POR ASISTIR!

2010-12-02T22:09:00.003+01:00

Moitas grazas a todos/as por asistir á cea do Intercambio con Guillena 2010! A pesar da noite pasada por auga, xuntámonos 59 comensais; non está nada mal. Moitos dos participantes na viaxe non puideron asistir por diversas razóns, pero os que se achegaron ata o Hotel Balneario de Compostela puideron ver, en primicia, a película e fotografías da viaxe, un DVD que levaron de agasallo para as súas casas.

A cea seguiu a proxección do vídeo, e a velada prolongouse ata tarde; que menos nun sábado. Como acontecera en Guillena, non faltou unha cámara que inmortalizara a xuntanza. Así que, aquí presentamos as fotos oficiais...

Quen desexe dispor delas en formato completo ou queira conseguir o DVD oficial da viaxe, pode conseguilos na Casa de Cultura, en horario de tarde.

CEA VIAXE A GUILLENA 2010

2010-10-22T12:25:00.002+02:00

XA ESTÁ AQUÍ A CEA DESTE ANO!!! Como non podía ser doutro xeito, e para non perder contacto con todos vos, preparamos para este ano unha nova CEA para os particpantes na viaxe da Mocidade 2010 a Guillena.

DÍA: 13 de Novembro de 2010

HORA: ás 22:00 hrs.

LUGAR DE CELEBRACIÓN: HOTEL BALNEARIO DE COMPOSTELA no Tremo

PREZO: 25 €/persoa

MENÚ:
ENTRANTES
Tostada de chicharrons con queixo
Croquetas de centola
Langostinos cocidos

PRIMEIRO PRATO
Lombos de Lubina a prancha

SEGUNDO PRATO
Solomillo Ibérico con Pastel de Pataca e Bacon.

POSTRE
Filloa rechea con mousse de queixo e bola de xeado

BODEGA
Albariño Blanco Valtea
Rioja Edulis-Lealtanza
Aguas Minerales

SOBREMESA
Café e chupitos
O prazo máximo para anotarte é ata o día 5 de Novembro e podes facelo chamando á Casa da Cultura (981 50 99 08) en horario de mañá ou a Biblioteca Municipal (981 50 99 69) en horario de tarde.

Por suposto, e como xa é tradición, entregaremos a pelicula da viaxe e presentaremos o proxecto para a Viaxe da Mocidade 2011.

Podes vir acompañado/a e tamén se poden anotar particpantes doutras Viaxes da Mocidade de Brión.

CORRE A VOZ E ANOTATE CANTO ANTES!!!

Estamos de volta!!

2010-08-04T09:41:00.008+02:00

Despois dunha semana en Guillena, regresamos a Brión. Cansos, pero con mil e unha novas experiencias que contar. Morriñentos, polo tempo que compartimos xuntos en Andalucía e polos amigos que alí fixemos, pero coa esperanza de non tardar en regresar.

Ademais, esta semana un grupo de 80 mozos e mozas guilleneros están a convivir connosco, mentres coñecen Brión e Galicia. Isto fai que Guillena aínda estea moi presente. Pero, por moito tempo que pase, endexamais esqueceremos as boas experiencias vividas niste intercambio.

A todos os amigos e amigas de Guillena que tan agradable fixeron a nosa estancia en Andalucía: moitas grazas!!

Se queres ver unha escolma das imaxes deste intercambio, preme nesta ligazón!

TRAILER 3 - 2010: Todos queren vir a Guillena connosco!!

2010-04-19T21:18:00.002+02:00

Todos queren vir connosco a Guillena, vas faltar ti? Xa falta menos para que poidas reservar a túa pasaxe.

TRAILER 2 - 2010: Todos os camiños levan a... Guillena!!

2010-03-10T21:54:00.009+01:00

Tiñas pensado facer o Camiño este ano? Nos propoñémosche unha alternativa, viaxar connosco ata Guillena!

Porque este ano todos os camiños conducen a Guillena!!

TRAILER 1 - 2010 - Lémbraste de Guillena? Entón seguro que repites!

2010-02-12T20:24:00.008+01:00

Este ano volvemos a Guillena!! Lembrádesvos que ben o pasamos fai catro anos? Non podes perder esta oportunidade de repetir unha experiencia inesquecible. E, por suposto, non deixes de comentarllo aos teus coleg@s.
Este verán volvemos a Guillena!!... e logo, veñen eles a Brión!
TREMENDAS VACACIÓNS!

VIAXE DA MOCIDADE 2010

2010-01-28T14:33:00.001+01:00

IMOS INDO: A pesares de que está empezando o ano e que o verán se ve ainda moi lonxe, a viaxe da Mocidade de Brión 2010 empeza a quentar motores. Logo de diversas tomas de contacto o destino é ...... GUILLENA, ese pobo andaluz tan coñecido por moitos mozos e mozas de Brión.... ¿non estiveches en Guillena? ¿estiveches e qures repetir? ¿eres novo e non coñeces as viaxes da mocidade de Brión?... Ide reservando as vacacións para o mes de Xullo: A VIAXE REALIZARASE DO 23 AO 30 DE XULLO. Pero ahi máis, do 30 ao día 6 os mozos e mozas de Guillena estarán por Brión. Así que non perdas detalle. Estate atento ao noso blog, en Febreiro haberá novedades.

Cea Viaxe a Valencia 2009

2009-11-05T10:00:00.002+01:00

Non te podes resisitir...
Ven connosco a cea da Viaxe Valancia 2009.

Xa temos data, o sábado 21 de novembro a iso das 22:00 h. (puntualidade!!)

Por suposto, levarás para casa a película da viaxe, e presentaremos o proxecto do vindeiro ano. Por iso, non podes faltar!!
Queres vir acompañado, pois trae a quen ti queiras, cantos máis sexamos mellor!!

Lugar de Celebración: Mesón O Adro (Os Ánxeles)
Hora: Quedamos ás 21:30 h.
Menú:
-Entrantes (empanadas e tortilla)
-Churrasco mixto, polo á grella, criollos, ensalada
-Sobremesa

Prezo: 15 € (bebida a parte -política da casa-)

Se estás inscrito, pero non podes asistir, avísanos (ata o sábado pola mañá)

Unha visita interesante

2009-11-05T09:33:00.009+01:00

Durante a pasada Romaría de Santa Minia, un grupo de seis amigos e amigas do Concello de Guillena, tan coñecido polos mozos e mozas de Brión, visitaron Brión para desfrutar da nosa festa máis importante.

Entre estes seis visitantes, atopábase o recén nomeado alcalde de Guillena, Lorenzo Medina Moya. Para os que non saibades de quen estamos falando, Loren participou como visitante naquel intercambio que se fixo a raíz da Expo ‘92 de Sevilla e o Xacobeo 2003.

Anos despois, no 2006 repetíase a experiencia asistindo tamén este, pero agora xa como tenente de alcalde do concello de Guillena.

Ademais de para saborear o polvo e o viño tinto, esta viaxe tamén serviu para manter unha reunión co Alcalde de Brión, coa fin de ir sentando as bases para o que será UN NOVO INTERCAMBIO con esta poboación hispalense.

Polo de pronto, as conversacións mantidas durante estes dias co Alcalde de Guillena auguran unha moi boa viaxe da mocidade para este ano, tanto para os veciños e veciñas de Brión coma para os de Guillena.

Aqui podedes ver algunha das imaxes:

Recorda que estamos en facebook:

Trailer 2 - 2009

2009-01-23T10:01:00.002+01:00

TRAILER 2: A VALENCIA DE EXCURSIÓN

(Pincha se non eres capaz de ver o video)

Novedades da web

2009-01-22T14:30:00.010+01:00

Estimados/as amigos/as:

Como ven sabedes o Concello de Brión, a través da concellaría de cultura e xuventude, organiza todolos anos no mes de xullo unha viaxe para os mozos e mozas.

Para este ano, estamos preparando unha viaxe a cidade de Valencia durante a semana que vai dende o 19 ata o 25 de xullo, ambolos dous incluidos.

O prazo de inscrición para participar estará aberto dente o día 1 ata o 30 de abril de 2009 na casa da Cultura, en persoa ou mediante chamada telefónica ó número 981 50 99 08, en horario de luns a venres de 9:00 a 14; hrs. e de 16:00 a 22:00 hrs. A admisión dos participantes realizarase por rigorosa orde de inscrición.

Tamén cabe dicir que as condicións para participar son:

- Ter entre 18 e 35 anos

- Estar empadroado no Concello de Brión, no momento de facer a inscrición

Por outro lado, o prezo da viaxe é de 160 € no que vai incluido:

- Transporte desde Brión a Valencia e desprazamentos para as actividades programadas.

- Aloxamento no albergue xuvenil Center-Valencia.

- Almorzo e cea deses cinco días que estamos na cidade de Valencia (o almorzo do luns 20 e o xantar de todos os días corre por conta dos participantes).

- Entrada á Cidade das Artes e das Ciencias.

Esperando que esta información, e máis a viaxe, sexan do voso agrado.

En vindeiros días iremos colgando máis información na web.

Recibide un cordial saudo do grupo de monitores das viaxes da xuventude

Recorda que estamos en facebook:

FUNCIONAMENTO DO BLOG

2009-01-22T14:29:00.009+01:00

Para comenzar imos explicar un pouco polo miudo o funcionamento do weblog que acabamos de inaugurar.

Como podedes ver, intentamos que a páxina foso un pouco dacordo coa tematica das viaxes que fomo facendo o longo destes 3 anos. A web está dividida en varios apartados que podedes observar arriba:

INICIO: A páxina principal, nela iranse colgando todalas novedades da web.

TRAILERS: Dende Febreiro e ata Xullo deste ano, iremos colgando trailers, son videos cortos (de 2 min. aproximadamente) a modo de lanzamento publicitario da excursión.

ANTERIORES: Onde se van recoller os viaxes anteriores, datas, albergues..., en definitiva todo o relacionado coas viaxes pasadas.

BASES: Neste apartado publicaranse as bases para poder participar no viaxe da mocidade 2009.

EXPERIENCIAS: Neste apartado os visitantes da web poden expresar as súas experiencias nas viaxes de Brión, opinións, ideas para novas viaxes, e en definitiva, etc...

Aparte deste menú, na parte dereita da web aparecen unha serie de imaxes que pinchando en elas nos levarán a novos apartados:

FOTOS DE ANOS PASADOS: Neste apartado iremos publicando galerias coas fotos de todalas viaxes feitas...

CAMISETAS: A camiseta é un clásico nas viaxes da mocidade, aqui podes ver as camisetas de anos anteriores, criticar, comentar, e darnos ideas para a deste ano.

VIDEOS: Como a camiseta, o video tamén é un clásico, cada viaxe un video con todolos recordos das viaxes. Tamén podes comentalos...

SEGUIDORES DA WEB: Quen nos visita, interesanos saber quen está normalmente conectado a web, con só pinchar en "seguir este blog" poderas colgar a túa foto e indicar que sigues periodicamente esta web.

Ademáis nas seccións TRAILERS, ANTERIORES, EXPERIENCIAS, CAMISETAS E VIDEOS, podes facer comentarios, para elo é necesario posuir unha "conta de google". ¿Que como se fai? Pois moi sinxelo, a primeira vez que intentes insertar o teu comentario na web vaiche pedir que te rexistres, ingresas o teu e-mail, unha contraseña e un par de datos máis e xa poderas facer todos os comentarios que queiras. Se tes unha conta de correo de "gmail" non é necesario que te rexistres, con que utilices ese mail e máis a contraseña xa está.

Espero que esta explicación che sexa de suficiente axuda para poder interactuar connosco a través desta web.

Viaxe da Mocidade 2011

2009-01-22T14:28:00.016+01:00

INFORMACIÓN BÁSICA SOBRE A VIAXE DA MOCIDADE 2011: DESTINO BARCELONA

Como xa saberás, O Concello de Brión programa tódolos veráns unha viaxe para a mocidade do municipio con idades comprendidas entre 18 e 35 anos. De cara a este verán, o Concello ten previsto realizar a viaxe a Barcelona.

PARTICIPANTES, DATAS, PREZO E HORARIOS

Poderán participar todos os mozos e mozas empadroados no Concello de Brión de entre 18 e 35 anos.
A viaxe realizarase entre 23 e o 29 de Xullo de 2011
O prazo de inscrición permanecerá aberto durante o mes de Abril de 2011, haberá un total de 50 prazas que serán asignadas por rigorosa orde de inscrición.
O prezo da viaxe é de 170€ e inclúe desprazamentos e estancia a media pensión (pernocta, almorzo e cea) no Albergue Centre Esplai ademáis das saidas que se realicen durante a estancia en Barcelona. É necesario aboar esta cantidade antes do día 14 de Maio para facer efectiva a asistencia o viaxe.
Saida da Carballeira de Santa Minia o día 23 de Xullo ás 22:00 hrs. e regreso o día 29 ás 22:00 hrs (Aproximadamente)

ALOXAMENTO

O aloxamento será no Albergue Centre Esplai, un edificio moderno, innovador, sostible, elocuente e integrado no seu ámbito. De nova construción, totalmente adaptado e coa máxima categoría, fica no Delta do Llobregat, a un paso dos espazos naturais e de interese ambiental máis importantes de Cataluña. A súa situación privilexiada, ben comunicado, a 10 minutos da praia e a 20 minutos da Sagrada Familia. Durmirase en literas, será necesario levar roupa de cama (ou saco de dormir) e toallas. A distribución será por habitacións de 4 ou 6 persoas.

VISITAS E ACTIVIDADES

A medida que nos vaiamos achegando a data da viaxe iremos informando sobre as distitas actividades que se levaran a cabo durante a viaxe 2011.

NORMAS

Este viaxe está pensado coma unha excursión grupal, e como tal o que se pretende e que o grupo permaneza unido. Para poder asistir a esta viaxe é necesario respectar unha serie de normas básicas de comportamento:

- As saidas e actividades son totalmente obrigatorias, é dicir ningún dos participantes pode facer a viaxe por libre, hai que respectar horarios tanto das comidas coma das saidas, diurnas e nocturnas.

- O albergue onde nos imos aloxar terá uns horarios flexibles pero á vez controlados.

- Os encargados do grupo serán os monitores, que en todo momento serán responsables de que os participantes cumplan coas normas establecidas previamente. Estes teran a capacidade para poder devolver á Brión calquera participante que non cumpla axeitadamente coas normas establecidas.

- Imos durmir nun Albergue todos xuntos e con outros grupos, para o bo funcionamento da convivencia entre todos estableceranse unas normas básicas que non poderan ser vulneradas baixo ningún concepto.

Condicións xerais da viaxe da mocidade a Barcelona 2011

2009-01-22T14:27:00.036+01:00

.
DESTINATARIOS

Poderán participar na "viaxe da mocidade a Barcelona 2011" todos os mozos e mozas veciños do Concello de Brión que no momento da súa participación estean empadroados e teñan entre 18 a 35 anos de idade.

DATAS

A viaxe realizarase entre o 23 e o 29 de xullo do ano 2011.

PRAZAS

O número máximo de participantes é de 50.

A VIAXE INCLÚE

• Transporte desde Brión a Barcelona, ida e volta, e desprazamentos para as actividades programadas.
• Aloxamento no Centre Esplai de Barcelona
• Almorzo e cea de todos os días da viaxe.

PREZO

O prezo da viaxe é de 170 €.

INSCRICIÓN

A inscrición realizarase do 1 ó 30 de abril de 2011 na Casa da Cultura en persoa ou mediante chamada telefónica ó número 981.509.908 en horario de luns a venres de 9:00 a 14:00 horas e de 16:00 a 22:00 horas e os sábados de 10:00 a 14:00 horas. A admisión dos participantes realizarase por rigorosa orde de inscrición.

Dentro deste prazo abrirase unha listaxe para os mozos de Brión e outra de reserva para os mozos de fóra do Concello, tendo os mozos de Brión preferencia á hora da adxudicación das prazas da viaxe. Os mozos de Brión que se inscriban fóra deste prazo pasarán directamente á listaxe de reserva na orde en que lles corresponda na mesma, perdendo o seu dereito de preferencia por ser veciños do Concello.

Con posterioridade, e ata o 14 de maio de 2011 os mozos inscritos deberán entregar na Casa da Cultura, no mesmo horario, os xustificantes de pago da cota, confirmando así a súa reserva de praza. Os mozos que non realicen o pago nestas datas perderán o seu dereito á praza, quedando vacante para cubrila coa xente que estea apuntada na listaxe de espera.

Os mozos inscritos na listaxe de espera, veciños do concello ou non, ocuparán as prazas que queden vacantes despois de rematado o prazo de pagamento dos mozos de Brión o día 14 de maio. En todo caso, sempre terán preferencia os mozos de Brión que tiveran quedado en listaxe de espera dentro do prazo de inscrición do 1 ó 30 de Abril.

Coa confirmación da reserva da praza no momento do pago da cota establecida, os participantes comprométense a cumplir co establecido nestas condicións xerais e co programa da viaxe na súa totalidade.

ANULACIÓN DA RESERVA E DEVOLUCIÓN DE TAXAS

En base á Ordenanza fiscal 20-PP reguladora do prezo público pola prestación de servizos culturais, educativos, deportivos e de ocio publicada no BOP da Coruña número 274 do 27 de novembro de 2008, só se procederá á devolución do importe do prezo público correspondente, cando concurra algunha das seguintes circunstancias:

1. Que por causas non imputables ó obrigado ó pagamento do prezo, non se preste o servicio por parte do Concello.

2. Que se comunique por escrito a baixa na actividade ó departamento xestor e con carácter previo ó seu inicio, e esta non supoña un perxuicio a outros interesados.

Viaxes anteriores

2009-01-22T14:27:00.035+01:00

ALBERGUE: Coléxio Público de Guillena

DIRECCIÓN: Guillena - Sevilla

PARTICIPANTES: 78 participantes, 5 monitores, 2 conductores

DATAS: 15 ao 22 de Xullo de 2006

PREZO: 60 € (Pensión Completa)

PROGRAMA:

Sábado 15
Acto oficial de benvida por parte das autoridades locais e mozos e mozas de Guillena

Domingo 16
Visita aos lugares máis significativos de Guillena
Festa Galega en Guillena

Luns 17
Romaría pola Ruta del Agua con festa nun cortijo andaluz

Martes 18
Visita a cidade de Seviila

Mercores 19
Ruta polos pobos blancos (Cadiz)

Xoves 20
Ruta do Rocio

Venres 21
Gran festa de despedida

ALBERGUE: Albergue - Casa vacacional Paradiso

DIRECCIÓN: C/ La Erminta, nº 18 - 39350 Hinojedo (Suances) Cantabria

PARTICIPANTES: 50 Participantes, 5 monitores, 2 conductores

DATAS: Do 28 de Xullo ao 1 de Agosto de 2007

PREZO: 60 € (Pensión Completa + Entrada ao parque natural de Cabarceno)

PROGRAMA:

Sábado 28
Saía de Brión as 07:00 hrs., visita a praia das Catedrais, xantar en Oviedo, chegada e acomodación no Albergue

Domingo 29
Visita as vilas de Potes e Fuente De

Luns 30
Visita a Santander pola maña e pola tarde Visita ao Parque Natural de Cabarceno

Martes 31
Visita todo o día a cidade de San Sebastian

Mercores 1
Visita as vilas de Santillana del Mar, Comillas, San Vicente de la Barquera e regreso a Brión

ALBERGUE: Albergue Xuvenil de Málaga

DIRECCIÓN: Praza Pío XII, 6 - 29007 - Malaga

PARTICIPANTES: 50 Participantes, 5 monitores, 2 conductores

DATAS: Do 20 de Xullo ao 27 de Xullo de 2008

PREZO: 125 € (Pensión Completa + Entradas as covas de Nerja e del Tesoro)

PROGRAMA:

Domingo 20
Saída ás 19:30 de Brión e viaxe de Noite ata Málaga

Luns 21
Chegada o Albergue e día libre para coñecer a zona

Martes 22
Visita a cidade de Granada, visitando a Alhambra

Mercores 23
Visita a Torre del Mar, Cueva de Nerja, Cueva del Tesoro, Rincon de la Victoria

Xoves 24
Visita a Gibraltar e Tarifa

Venres 25
Visita a Ronda, Mijas, Puerto Banús, Marbella

Sábado 26
Día libre por Málaga

Domingo 27
Viaxe de regreso a Brión

ALBERGUE: O Albergue CENTER - VALENCIA younth hostel

DIRECCIÓN: Valencia

PARTICIPANTES: 39 participantes, 5 monitores, 2 conductores

DATAS: 19 ao 25 de Xullo de 2009

PREZO: 160 € (Media Pensión)

PROGRAMA:

Domingo 19
Viaxe dende Brión a Valencia pola noite

Luns 20
Chegada al Albergue recepción dos participantes e distribución nos cuartos

Martes 21
Visita a cidade das Ciencias de Valencia

Mercores 22
Visita a cidade de Peñíscola. Visita a cidade e tarde de praia

Xoves 23
Excursión optativa: Terra Mítica ou Benidorm

Venres 24
Dia libre pola cidade de Valencia

Sábado 25
Viaxe de regreso a Brión con parada en Madrid para comer

ALBERGUE: Coléxio Publico Infantil de Andalucía

DIRECCIÓN: Avda. del Molinillo, s/n - 41210 - Guillena - Sevilla

PARTICIPANTES: 80 participantes, 4 monitores , 3 conductores

DATAS: 23 ao 30 xullo de 2010

PREZO: 80 € (Pensión Completa)

PROGRAMA:

Venres 23
Saida de Brión cara Guillena

Sábado 24
Benvida oficial
visita a Guillena e Pedanias, Concerto de Música Celta

Domingo 25
Visita ao Santuario del Rocío, Praia de Mazagón

Luns 26
visita a Córdoba, Festa do Humor

Martes 27
Visita a Aracena, Gruta das Maravillas, Ruta del Agua, Parrillada nocturna

Mércores 28
Visita a Cádiz, Praia de la Victoria, Saida nocturna a Sevilla

Xoves 29
Visita a Sevilla, Parque temático Isla Mágica

Venres 30
Mañá libre, Piscina en Guillena, saida conxunta cara Brión

Trailer 1 2009

2009-01-22T14:26:00.022+01:00

TRAILER 1: AS VIAXES DE BRIÓN... NON TEÑEN PREZO

(Pincha se non eres capaz de ver o video)

E CADA MÉS DE AQUI A XULLO UN NOVO! NON OS PERDAS

Contanos a túa experiencia nos viaxes da mocidade de Brión

2009-01-05T14:29:00.000+01:00

Galeria de imaxes

2009-01-03T14:29:00.010+01:00

Preme sobre as fotos para visualiza-la galería de imaxes da viaxe que máis che interese.
Logo, visualiza as fotos facendo "dobre clic" co botón esquerdo do rato sobre a que queiras. Podes pasar dunha a outra repetindo a operación ou premendo nas frechas que aparecen na base da polaroid. Tamén podes desplazar as fotos sobre o taboleiro pinchándoas co rato (sen solta-lo botón esquerdo).

Cada viaxe un video para que sempre o teñas de recordo

2009-01-02T14:29:00.004+01:00

Un recordo indispensable, un dvd cada vez que imos de viaxe... todos os recordos das viaxes gardados para sempre...

GUILLENA 2006
Recopilación de videos e imaxes durante a estancia no pobo de Guillena en Sevilla durante o intercambio do ano 2005 - 2006. Recopilanse momentos como a festa andaluza, a festa galega, as saidas nocturnas, as visitas máis salientables... e tamén se recollen un montón de fotos entregadas polos participantes.

CANTABRIA 2007

"Hightower" é o protagonista desta historia que comezou como a película de "Mortadelo e Filemón" e rematou como "Loca academia de policia". Neste video recollense vivencias dos paeos por Suances, Potes, o Parque de Cabarceno, San Sebastián, Santillana del Mar, etc... Tamén recopila fotos aportadas polos participantes.

MALAGA 2008
O equipo de A-monitores, desplazase nesta nova misión ao sur de España, máis concretamente a cidade de Málaga. Recollense as aventuras destes 57 viaxeiros en Málaga, Granada, Covas de Nerja e Tesoro, Gibraltar, Ronda, Marbella, Puerto Banús, etc... Tamén inclue fotos aportadas polos viaxeiros.

VALENCIA 2009
Unha aventura na cidade do Turia onde os nosos intrepidos "axentes segredos" acompañan aos mozos de Brión nunha misión que ten como fin descubrir os segredos da Ciudad de las Artes y las Ciencias, a insolita historia do Papa Luna e os tesouros ocultos de Peñíscola, etc... Non faltan esceas de enorme risco, como as protagonizadas na visita a Terra Mítica, onde os nosos protagonistas viviron momentos de extremado perigo.

NOTA: Se che falta algún dos DVD, podes pedirnolo...

Intercambio con GUILLENA 2010
Este ano os mozos e mozas de Brión visitamos Guillena e Andalucía, revivindo as experiencias de anteriores intercambios culturais realizados en 1992 e 2006. E para que non esquezas os mellores momentos desta viaxe, xa está á túa disposición o DVD coa película da excursión. Rememora as visitas a Sevilla, Córdoba, Cádiz...; descobre as dotes taurinas de Morenito de Brión diante dun "morlaco" dos que non hai en Alqueidón; sorpréndete vendo a Adrián polo "rego" por vez primeira en toda a excursión...
Ademais este ano incluímos extras e unha selección das mellores imaxes (descargables) da viaxe.

NOTA: Se che falta algún dos DVD, podes pedírnolo...

As camisetas das viaxes de Brión

2009-01-01T14:00:00.018+01:00

As camisetas son un clásico nas viaxes de Brión, a continuación recopilamos as de anos pasados...